Belge Özeti : (Bolu) Kastamonu vilayeti, Bolu sancağı, Bolu nefs, Etraf-ı Şehir-i Bolu, Sazak nahiyesi, Gökçesu nahiyesi Müslim Reaya defteri.
Yer Bilgisi : 9442-
Dosya Ek :
Belge Tarihi : H-29-06-1247 (M-05-12-1831)
1831 Yağlıca Müslim Defteri NFS.d 9442
1.poz
Kaza-i Nefs-i Bolu Mea Nevahi
2.poz
(Malumat kısmı)
Hu
Bâ-hatt-ı humâyûn-ı mehabet makrun ve bâ-fermân-ı celilü’l ünvan Bolu sancağının hâvi olduğu kazâ ve kasabât ve kurâlarında sâkin ve mütemekkin kâffe-i ibâdullah hakkında eltâf-ı kerâmet ittisâf-ı pâdişâhi ve inâyât-ı bi-gâyât-ı şehinşâhi erzan buyurularak liva-i mezkur dâhilinde olan ehl-i İslam ve ehl-i zimmet reayânın ferd ve ferdiyeleri gerüye kalmamak üzre bil-cümle sağir ve kebir tahrir ve sebt-i defter ve tescil olunmak içün bundan akdem mevâli-i fehâm-ı saltanat-ı seniyyeden Abdi Paşazâde atûfetlü Nuri Beğ Efendi hazretleri me’mur ve ta’yin buyurulmuş olduklarından muktezây-ı me’muriyetleri üzre liva-i mezburun hâvi olduğu kazâ ve kasabât ve kurânın sağir ve kebirleri ber-mantûk-ı emr-i âli sebt ve tahrir ve tescil olunarak hitâm-ı hüsn-i me’mûriyetle iâde etmiş olduklarından bu emr-i ehemme kemâ yenbağî tekayyüd-ü ihtimam olunmasıyçün kürsi-i liva-i mezkurede mütehayyizân vücuhdan mücerreb ve müstakim’ül etvar biri nâzır-ı defter olarak işbu mehâm-ı hayriyenin mihver-i lâyıkında ru’yete sarf-u makderet kılınarak beher altı mahda bir kere defteri tahrir ve tanzîm ve der-bâr-ı ma’deret karâra ba’s ve takdîm kılınması bâbında muahharan sahife-pirây-ı sudûr olan fermân-ı alişân-ı celilü’l ünvâna imtisâlen liva-i kürsi-i medine-i Boluda mütehayyinan vücuh ve erkânından liva-i mezbur mütesellimi el-hac Mustafa Beğ Efendinin bundan akdem muharir-i mumâ ileyhle bil-ittifak tahrir husûsunda vakt ve ihtimâmından nâşir vukûf-ı tahsil etmiş olduğundan nezâret-i defter-i mezkûrenin ru’yeti husûsunda bil-umûm ahâli tarafından bil-intihâb tensîb ve tasvîb kılınmış olduğuna binâen nâzır-ı mumâileyh ma’rifeti ve ma’rifet-i şer’ile nefs-i şehr-i Bolu ve kurâ ve nevâhisinde kâin ber-mantûk-ı emr-i âli muharrir-i mumâileyh ma’rifetiyle bundan akdem tahrîr ve sebt-i defter ve tescîl olunmuş ahâli-i islam ve ehl-i zimmet reayânın işbu (12)47 senesi Muharrem’ul Haram gurresinden bidâe ile Cemaziyel Ahir gâyetine gelince 6 mahda tevellüd eden çocukların ismi babası isminin altına tarihiyle kayd olunmak ve fevt olanların isimleri tarihiyle yazılmak ve diyâr-ı aherden vilâyetine gelenler ve hacc-ı şerife veyâhud mücâveret niyetiyle Haremeyn-i Muhteremeyne veyâhud asâkîr-i mansureye ilhâk olunmak üzre İstanbul ve taşraya azîmet veyâhud bulunduğu mahalden aher mahale nakl edenlerin her birerleri yerlü yerine kayd olunarak tahrîr ve tedbir ve der-bâr-ı merhametdâra mütesellim-i nâzır-ı mumâileyh ma’rifetiyle ba’s ve tasyire içtisar kılınmış olan kazâ-i mezbur defteridir ki ber vech-i atî zikr olunur.
11.poz
(sol orta kısım)
Gökçesu nahiyesine tabi Nahiye-i Yağlıca
Karye-i Hürmüz Tabi-i Divan-ı Hoca
-34.esamide diğer Mezarcıoğlu mefluç Mustafa bin Osmanın oğlu Mustafa tevellüd etmişdir. Tevellüd fi 5 L sene (12)46 (M-19-03-1831)
Karye-i Divan-ı Yönpelid Tabi-i Nahiye-i Mezkur
-17.esamide Zanbakoğlu Halil bin İbrahimin diğer oğlu İbrahim hin-i tahrirde sehven tahrir olunmayub bu def’a bil-ihbar bu tarafda ismi deftere kayd …cerideye dahi terkim ve tasdiri iktiza eylediği
Karye-i Hoca Divanına Tabi Karakaş Tabi-i Nahiye-i Mezkur
-7.esamide Çobanoğlu İbrahim bin Mustafanın karındaşı kebir Mustafanın oğlu İsmail tevellüd etmişdir , fi 10 R sene (12)47 (M-18-09-1831)
Karye-i Hoca Divanına Tabi Ya’kublar Tabi-i Nahiye-i Mezbur
-4.esamide Ömeroğlu kebir Mehmed bin Hasanın oğlu Hasan tevellüd etmişdir fi 15 S sene (12)47 (M-26-07-1831)
Karye-i Hoca Divanına Tabi Mengen Tabi-i Nahiye-i Mezbur
Tevellüd ve vefat ve taşraya gitmiş ve gelmiş olmamağla şerh verildi
12.poz
Karye-i Divan-ı Bekirler Tabi-i Nahiye-i Yağlıca
-16.esamide diğer Kuruoğlu Mustafa bin Halilin diğer oğlu Tahir tevellüd etmişdir fi 10 N sene (12)46 (M-22-02-1831)
-29.esamide Kadıoğlu Hasan bin Mehmedin diğer oğlu Emin tevellüd etmişdir fi 10 M sene (12)47 (M-21-06-1831)
-55.esamide Kuruoğlu İsmail bin Mustafanın Torunu Emin bin Emin fevt şod fi 11 S sene (12)47 (M-)
-56.esamide diğer Kuruoğlu Mehmed bin Halilin oğlu Mehmed tevellüd etmişdir fi 15 L sene (12)46 (M-29-03-1831)
Karye-i Bekirler Divanında Çorak Tabi-i Nahiye-i Merkum
-8.esamide Boduroğlu a’rec Salih bin Mustafanın kebir oğlu Ahmedin diğer oğlu İbrahim tevellüd etmişdir fi 20 Z sene (12)46 (M-01-06-1831)
-12.esamide Selçin (Selçinoğlu) Mustafa bin Mehmedin diğer oğlu Kadri tevellüd etmişdir fi 15 RA sene (12)47 (M-24-08-1831)
-14.esamide merkum (Selçinoğlu) Mustafanın oğlu Halilin diğer oğlu Hüseyin tevellüd etmişdir fi gurre-i RA sene (12)47 (M-10-08-1831)
Karye-i Bekirler Divanında Çukurviran Tabi-i Nahiye-i Merkum
Tevellüd ve vefat ve taşraya gitmiş ve gelmiş olmamağla şerh verildi
Karye-i Bekirler Divanında Rasuller Tabi-i Nahiye-i Merkum
-19.esamide diğer Timurcioğlu (Demircioğlu) kebir Kel Hasanın oğlu kebir İsmailin oğlu sağir Mustafa tevellüd etmişdir fi 25 Z sene (12)46 (M-06-06-1831)
Karye-i Divan-ı Hacılar Tabi-i Nahiye-i Mezbur
-Divan-ı mezbur muhtarı Çorbacıoğlu İsmail bin Alinin oğlu kebir marid Mustafa fevt şod fi gurre-i RA sene (12)47 (M-10-08-1831)
-22.esamide diğer Ömeroğlu Hasan bin Mustafanın diğer oğlu İsmail tevellüd etmişdir fi 15 R sene (12)47 (M-23-09-1831)
-23.esamide merkum Ömeroğlu Hasanın oğlu kebir Mustafanın diğer oğlu Bayram tevellüd etmişdir fi selh-i RA sene (12)47 (M-08-09-1831)
-48.esamide Mollasüleymanoğlu kebir Ahmed bin Halilin diğer oğlu Mehmed tevellüd etmişdir fi 4 Z sene (12)46 (M-16-05-1831)
-58.esamide Kalaycıoğlu İbrahim bin Mehmedin karındaşı Halilin diğer oğlu Mehmed tevellüd etmişdir fi 5 N sene (12)46 (M-17-02-1831)
-65.esamide diğer Kalaycıoğlu Çalık Mustafa bin Alinin diğer oğlu Hasanın oğlu sağir Mustafa fevt şod fi 15 RA sene (12)47 (M-24-08-1831)
Karye-i Divan-ı Hoca Tabi-i Nahiye-i Mezbur
-10.esamide Karaabdullahoğlu Hafız Hüseyin bin Mehmedin diğer oğlu Mehmed tevellüd etmişdir fi 20 Z sene (12)46 (M-01-06-1831)
-13.esamide Kadıoğlu kebir Osman bin Halil fevt şod fi 22 N sene (12)46 (M-06-03-1831)
-18.esamide İmamoğlu Mehmed bin Mustafanın oğlu kebir Mustafanın oğlu Halil tevellüd etmişdir fi gurre-i CA sene (12)47 (M-08-11-1831)
-42.esamide diğer Şeyhoğlu kebir Halil bin Alinin oğlu Halil tevellüd etmişdir fi 15 S sene (12)47 (M-26-07-1831)
-84.esamide Topçuoğlu Mustafa bin İbrahimin diğer oğlu sağir Hasan fevt şod fi 15 S sene (12)47 (M-26-07-1831)
-89.esamide diğer Topçuoğlu kebir Ahmed bin Mehmedin karındaşı Hasanın oğlu Mehmed tevellüd etmişdir fi 10 N sene (12)46 (M-22-02-1831)
-90.esamide diğer Topçuoğlu Halil bin Mustafanın diğer oğlu Arif tevellüd etmişdir fi 5 RA sene (12)47 (M-14-08-1831)
-96.esamide diğer Topçuoğlu Mehmed bin Halilin oğlu kebir Halil fevt şod fi 20 N sene (12)46 (M-04-03-1831)
Karye-i Divan-ı Güney Tabi-i Nahiye-i Mezbur
-1.esamide Karamusaoğlu Mustafa bin Mustafa fevt şod fi 17 ZA sene (12)46 (M-29-04-1831)
-47.esamide Karaismailoğlu Mehmed bin Hüseyinin (Halilin) oğlu Mustafanın sağir oğlu Kadri fevt şod fi 12 Ş sene (12)46 (M-26-01-1831)
-50.esamide Kayımoğlu kebir Ahmed bin Halilin oğlu asem İbrahim fevt şod fi 13 Ş sene (12)46 (M-27-01-1831)
Karye-i Şeyh Güney Divanında Tabi-i Nahiye-i Merkum
-6.esamide Mollaosmanın (Molllaosmanoğlu) oğlu İbrahim bin Osmanın oğlu kebir Muradın diğer oğlu Halil tevellüd etmişdir fi 5 N sene (12)46 (M-17-02-1831)
-19.esamide Mollaosmanoğlu Osman bin Osmanın oğlu kebir Receb Osmanın oğlu Osman tevellüd etmişdir fi 5 L sene (12)46 (M-19-03-1831) (Mollaosmanoğlu Osman bin Osmanın Receb ve Osman adlı iki oğlu var. Bu kayıtta Receb Osmanın oğlu olmuş deniyor. Bu nedenle bu çocuğun kime ait olduğu anlaşılamadı, Receb bin Osman denilmek istemiş olabilir)
-22.esamide diğer Mollaosmanoğlu Ahmed bin Süleymanın oğlu İsmailin oğlu İsmail tevellüd etmişdir fi 21 N sene (12)46 (M-05-03-1831)
Karye-i Köseler Güney Divanında Tabi-i Nahiye-i Merkum
Tevellüd ve vefat ve taşraya gitmiş ve gelmiş olamamağla şerh verildi
Karye-i Şeyhler Güney Divanında Tabi-i Nahiye-i Merkum
-8.esamide İmam-ı karye Molla Mehmed bin İbrahimin diğer oğlu kebir Ahmed fevt şod fi gurre-i Ra sene (12)47 (M-10-08-1831)
-9.esamide imam-ı karye Molla Mehmedin karındaşı Molla Halilin diğer oğlu Ahmed tevellüd etmişdir fi 29 Z sene (12)46 (M-10-06-1831)
11.esamide Ahmedoğlu kebir Hüseyin bin Hüseyinin oğlu Mehmed tevellüd etmişdir fi 15 L sene (12)46 (M-29-03-1831)
-17.esamide Azaklıoğlu Mehmed bin Mustafanın diğer oğlu Mehmed tevellüd etmişdir fi 21 N sene (12)46 (M-05-03-1831)
-18.esamide merkum Azaklıoğlu Mehmedin oğlu kebir Hasanın diğer oğlu İsmail tevellüd etmişdir fi gurre-i Ra sene (12)47 (M-10-08-1831)
